Fýtboldan Chempıondar lıgasynyń bıylǵy fınaly ótetin oryn ózgerdi
NUR-SULTAN. QazAqparat - Fýtboldan bıylǵy UEFA Chempıondar lıgasy fınaly ótetin oryn ózgerdi, dep habarlaıdy QazAqparat tilshisi.
Bul jóninde Eýropalyq fýtbol qaýymdastyǵy odaǵy (UEFA) málim etti. https://ru.uefa.com/
Fınaldyq oıyn 29 mamyrda Portýgalııanyń «Dragaý» stadıonynda ótkiziledi. Onda Anglııanyń «Manchester Sıtı» jáne «Chelsı» komandalary sheberlik baıqasady.
Aıta keterligi, budan buryn fınal Túrkııanyń «Atatúrik» stadıonynda bolady dep josparlanǵan edi. Degenmen Anglııa fýtbol federatsııasynyń basshylyǵy atalǵan elde koronavırýs ahýalynyń kúrdeli bolýyna baılanysty ótetin oryndy ózgertý jóninde usynys bildirdi. Oǵan balama retinde týrnırdegi sońǵy kezdesýdi aǵylshyn jerinde uıymdastyrýǵa ótinish jasady.
UEFA basshylyǵy barlyq jaǵdaıdy eskere otyryp, fınaldy Portýgalııa elinde uıymdastyrýǵa sheshim qabyldady.
