Fýtboldan Chempıondar lıgasynyń 1/8 fınalyna jerebe qaıta tastalady
NUR-SULTAN. QazAqparat – Eýropa Fýtbol Qaýymdastyqtarynyń odaǵy (ÝEFA) Chempıondar lıgasynyń 1/8 fınalyna qaıtadan jerebe tastaıdy. Tehnıkalyq aqaýlardyń saldarynan shara kezinde óreskel qatelikter bolǵan. Bul týraly ÝEFA-nyń baspasóz qyzmeti málim etti, dep habarlaıdy QazAqparat.
«Qaı komandalardyń bir-birimen oınaýǵa quqyǵy bar ekenin resmı tulǵalarǵa habarlaıtyn qyzmetterdi usynýshy baǵdarlamalyq jasaqtamada týyndaǵan tehnıkalyq aqaýlardyń saldarynan Chempıondar lıgasynyń 1/8 fınalyna jerebe tastaý kezinde óreskel qatelik boldy», - delingen ÝEFA-nyń baspasóz qyzmetiniń habarlamasynda.
Dúısenbi kúni Shveıtsarııanyń Non qalasynda ótken jerebe tastaý qorytyndysy boıynsha, anglııalyq «Manchester ıÝnaıted» frantsýzdyq PSJ-men, portýgalııalyq «Benfıka» madrıdtik «Realmen», ıspanııalyq «Vılıarreal» aǵylshyndyq «Manchester Sıtımen», ıspanııalyq «Atletıko» germanııalyq «Bavarııamen», aýstrııalyq «Zaltsbýrg» aǵylshyndyq «Lıverpýlmen», ıtalııalyq «Inter» nıderlandylyq «Aıakspen», portýgalııalyq «Sportıng» ıtalııalyq «ıÝventýspen», frantsýzdyq «Lıll» aǵylshyndyq «Chelsımen» oınaýy kerek bolatyn.
Jerebe tastaý kezinde «Zenıttiń» quramynda Eýropa chempıonatynyń qola júldegeri, ÝEFA Kýbogynyń jáne Sýperkýbogynyń jeńimpazy atanǵan Andreı Arshavın ıspanııalyq «Vılıarrealdyń» qarsylasyn anyqtaý kezinde «Manchester ıÝnaıted» sharyn shyǵardy. Komandalar 1/8 fınal kezinde bir topta bolǵandyqtan, bir-birimen kezdese almady. «Manchester ıÝnaıted» shary «Atletıkonyń» bolashaq qarsylastarymen bir qorjynǵa salynbaǵan edi.
Bul jaǵdaıdan keıin «Atletıko» jerebe tastaý qorytyndysyna narazylyq bildirdi. Qaıtadan jerebe tastaý rásimi dúısenbi kúni qaıta bastalmaq.
1/8 fınaldyń alǵashqy matchtary 15, 16, 22 jáne 23 aqpan kúnderi ótedi. Jaýapty matchtar 8, 9, 15 jáne 16 naýryzǵa josparlanǵan. Chempıondar lıgasynyń fınaly 28 mamyr kúni Sankt-Peterbýrg qalasynda bolady.
