Fýtboldan Chempıondar lıgasynda «Tobyl» «Ferentsvaroshqa» jol berdi
NUR-SULTAN. QazAqparat – Qazaqstandyq «Tobyl» endi fýtboldan UEFA Konferentsııa lıgasynda synǵa túsetin boldy, dep habarlaıdy QazAqparat tilshisi.
Qostanaılyq klýb búgin fýtboldan UEFA Chempıondar lıgasy birinshi irikteý satysynda syrt alańda Vengrııanyń «Ferentsvarosh» komandasyna 1:5 esebimen jol berdi.
Qostanaıda ótken alǵashqy oıynda eki komanda 0:0 esebine qanaǵat bildirgen edi.
Endi «Tobyl» Konferentsııa lıgasy ekinshi irikteý satysynda Gıbraltardyń «Lınkoln Red Imps» komandasymen kezdesedi.
Al «Ferentsvarosh» Chempıondar lıgasy ekinshi irikteý satysynda Slovakııanyń «Slovan» klýbymen sheberlik baıqasady.
Sondaı-aq, Konferentsııa lıgasynda ekinshi irikteý satysynda elimizdiń atynan elordalyq «Astana», almatylyq «Qaırat» jáne petropavldyq «Qyzyljar» komandalary el namysyn qorǵaıdy.
Oıyndar 21 jáne 28 shilde kúnderi ótkiziledi.
