Fýtboldan Chempıondar lıgasynda búgin Vılıarreal Lıverpýl komandasymen kezdesedi
NUR-SULTAN. QazAqparat - Búgin, 3 mamyrda fýtboldan UEFA Chempıondar lıgasy jartylaı fınalynyń qarymta oıyndary bastalady, dep habarlaıdy QazAqparat tilshisi.
Týrnırdiń atalǵan satysyndaǵy alǵashqy oıynda Ispanııanyń «Vılıarreal» jáne Anglııanyń «Lıverpýl» komandalary kezdesedi. Oıyn «Qazaqstan» telearnasynan tikeleı efırde kórsetiledi.
Eki komanda arasyndaǵy alǵashqy kezdesýde «Lıverpýl» qarsylasyn 2:0 esebimen tize búktirdi.
Komandalar buǵan deıin 2016 jyly Eýropa lıgasy jartylaı fınalynda jolyqqan bolatyn. Alǵashqy kezdesýde «Vılıarreal» 1:0 esebimen jeńiske jetse, qarymta oıynda «Lıverpýl» qarsylasyn 3:0 esebimen tize búktirdi.
Aldaǵy kezdesýge ıspanııalyq klýb sapynan Alberto Moreno jaraqatyna baılanysty qatysa almaıdy. Aǵylshyn komandadan barlyǵy qarymta kezdesýge daıyn.
Sondaı-aq, 4 mamyrda «Real Madrıd» (Ispanııa) jáne «Manchester Sıtı» (Anglııa) komandalary sheberlik baıqasady. Alǵashqy oıynda 4:3 esebimen aǵylshyndyq klýb jeńiske jetti.
