Fýtboldan Chempıondar lıgasy: Shırek fınalǵa shyqqan komandalar anyqtaldy
NUR-SULTAN. QazAqparat - Fýtboldan UEFA Chempıondar lıgasy 1/4 fınalyna shyqqan komandalar anyqtaldy, dep habarlaıdy QazAqparat tilshisi.
Sońǵy eki joldamany Anglııanyń «Chelsı» jáne Ispanııanyń «Vılıarreal» komandalary jeńip aldy.
16 naýryzda Italııanyń «ıÝventýsi» óz alańynda Ispanııanyń «Vılıarrealyna» 0:3 esebimen jol berdi. Birinshi oıynda ıtalııalyq klýb 1:0 esebimen jeńiske jetken edi.
Al frantsııalyq «Lıll» óz alańynda Anglııanyń «Chelsı» klýbynan 1:2 esebimen jeńildi. Alǵashqy kezdesýde aǵylshyndar 2:0 esebimen basym túsken bolatyn.
Eske salsaq, budan buryn qos oıynnyń nátıjesimen «Manchester ıÝnaıted» (Anglııa), «Atletıko Madrıd» (Ispanııa), «Manchester Sıtı» (Anglııa), «Real Madrıd» (Ispanııa), «Bavarııa» (Germanııa) men «Lıverpýl» (Anglııa) komandalary 1/4 fınalǵa joldama alǵan bolatyn.
Shırek fınaldyq jerebe tartý rásimi 18 naýryzda ótkiziledi.
Fınal 28 mamyrda Frantsııanyń «Stad de Frans» stadıonynda bolady.
