Fýtboldan Chempıondar lıgasy: «Real» pen «Chelsı» teń tústi
NUR-SULTAN. QazAqparat - UEFA Chempıondar lıgasynyń jartylaı fınalynda alǵashqy jup oıyny ótti, dep habarlaıdy QazAqparat tilshisi.
Onda «Real Madrıd» (Ispanııa) pen «Chelsı» (Anglııa) komandalary kezdesti.
Eki komanda buǵan deıin atalǵan týrnırde jolyqqan emes. 2016 jyly ótken Halyqaralyq chempıondar kýbogynda «Real Madrıd» 3:2 esebimen basym túsken edi.
Oıyn barysynda qos komanda bir-birine laıyqty qarsylyq kórsetti. Tolassyz shabýylǵa ıek artty.
Nátıjesinde esepti alǵash bolyp 14-mınýtta «Chelsı» sapynan Krıstıan Pýlıshıch ashty. Al 29-mınýtta ıspnııalyq klýbtyń shabýylshysy Karım Benzema tarazy basyn teńestirdi.
Budan keıin gol soǵatyn birneshe múmkindik bolǵan edi. Degenmen tablodaǵy esep ózgerissiz qaldy. Kezdesý 1:1 esebimen teń aıaqtaldy.
Endi qarymta oıyn 5 mamyr kúni ótkiziledi.
Sondaı-aq, búgin, 28 sáýirde atalǵan týrnırde taǵy bir kezdesýde «Parı Sen-Jermen» (Frantsııa) men «Manchester Sıtı» (Anglııa) komandalary sheberlik baıqasady.
