Fýtboldan Chempıondar lıgasy: «Real Madrıd» klýbynyń áleýeti qandaı
NUR-SULTAN. QazAqparat - Búgin, 16 naýryzda UEFA Chempıondar lıgasy 1/8 fınalynda qarymta oıyndar bastalady, dep habarlaıdy QazAqparat tilshisi.
Alǵashqy jupta «Manchester Sıtı» (Anglııa) pen «Borýssııa Menhengladbah» (Germanııa) komandalary kezdesedi. Alǵashqy kezdesýde aǵylshyndyq klýb qarsylasynan 2:0 esebimen basym tústi.
Oıyn elorda ýaqytymen 01.50-de bastalyp, «Qazaqstan» telearnasynan tikeleı efırde kórsetiledi.
Komandalar quramynda jaraqat alǵan oıynshylar bar. «Manchester Sıtı» sapynan shabýylshy Serhıo Agýero, qorǵaýshylar - Natan Ake men Anhelıno jasyl alańǵa shyǵýdan tys qaldy.
Al «Borýssııa Menhengladbah» quramynan jartylaı qorǵaýshylar - Krıstof Kramer, Famana Kızera, shabýylshy Hýlıo Vılıalba, qorǵaýshylar - Mamadý Dýkýre, Ramı Bensebaını dál osyndaı jaǵdaıdy basynan ótkizip otyr.
Eki komanda buǵan deıin atalǵan týrnırde bes márte kezdesti. Onyń tórteýinde «Manchester Sıtı» klýbynyń mereıi ústem bolsa, bireýinde teń nátıje tirkeldi.
Taǵy bir oıyn «Real Madrıd» (Ispanııa) pen «Atalanta» (Italııa) komandalary arasynda ótedi.
Eki komanda arasyndaǵy alǵashqy oıynda ıspandyqtar 1:0 esebimen basym tústi.
Oıyn elorda ýaqytymen 01.50-de bastalyp, «Qazsport» telearnasynan tikeleı efırde kórsetiledi.
Kezdesý aldynda «Real Madrıd» sapynan tórt fýtbolshynyń aldaǵy oıynǵa qatysýdan tys qalǵandyǵy belgili boldy.
Atap aıtqanda, olardyń qatarynda Marselo, Alvaro Odrıosola, Danıel Karvahal, Marıano Dıas syndy fýtbolshylar bar.
Eki komanda atalǵan týrnırde bıyl tuńǵysh ret kezdesti.
Esterińizge sala ketelik, týrnırdiń shırek fınalyna «Lıverpýl» (Anglııa), «Parı Sen-Jermen» (Frantsııa), «Borýssııa Dortmýnd» (Germanııa) jáne «Portý» (Portýgalııa) komandalary joldama aldy.
