Fýtboldan Chempıondar lıgasy: «Real Madrıd» «Chelsımen» sheberlik baıqasady

NUR-SULTAN. QazAqparat - Búgin, 27 sáýirde UEFA Chempıondar lıgasynyń jartylaı fınalynda bir oıyn ótkiziledi, dep habarlaıdy QazAqparat tilshisi.

Bul joly «Real Madrıd» (Ispanııa) pen «Chelsı» (Anglııa) komandalary kezdesedi.

Oıyn elorda ýaqytymen 00.50-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Shırek fınalda «Real Madrıd» Anglııanyń «Lıverpýlin», «Chelsı» Portýgalııanyń «Portýyn» orta jolda qaldyryp ketti.

Eki quramada da jaraqat alǵan fýtbolshylar bar. Ispanııalyq klýbta Federıko Valverde, Ferlan Mendı, Serhıo Ramos, Lýkas Vaskes pen Tonı Kroos, aǵylshyn komandasynan Mateo Kovachıch jasyl alańǵa shyǵýdan tys qaldy.

Kezdesýge nıderlandııalyq Dannı Makkelı bas qazy bolady. Oǵan otandastary Hessel Stegstra pen ıAn de Vrıs kómekshilik etedi. Qosalqy tóreshi - ızraıldik Orel Grınfıld.

Eki komanda buǵan deıin atalǵan týrnırde kezdesip kórgen emes. 2016 jyly ótken Halyqaralyq chempıondar kýbogynda «Real Madrıd» 3:2 esebimen basym túsken edi.