Fýtboldan Chempıondar lıgasy: «Real Madrıd» «Chelsıdi» jeńdi
NUR-SULTAN. QazAqparat - Fýtboldan UEFA Chempıondar lıgasy 1/4 fınalynda Ispanııanyń «Real Madrıd» komandasy 6 sáýirde Anglııada «Chelsıden» basym tústi, dep habarlaıdy QazAqparat tilshisi.
Kezdesý barysynda ıspandyq klýbtan Karım Benzema het-trıktiń avtory atandy. Ol 21, 24, 46-mınýttarda mergendik tanytty. Oǵan «Chelsı» sapynan Kaı Haverts 40-mınýtta jalǵyz golmen jaýap qaıyrdy.
Osylaısha «Real Madrıd» qarsylasynan 3:1 esebimen basym tústi.
Taǵy bir kezdesýde Ispanııanyń «Vılıarreal» klýby óz alańynda Germanııanyń «Bavarııasyn» 1:0 esebimen tize búktirdi. Kezdesý taǵdyryn sheshken jalǵyz goldy Arno Grýneveld 8-mınýtta óziniń enshisine jazdy.
Qarymta kezdesý 12 sáýir kúni ótkiziledi.
Jarystyń atalǵan satysynda 5 sáýirde Anglııanyń «Lıverpýl» komandasy Portýgalııada «Benfıkany» 3:1, Anglııanyń «Manchester Sıtı» komandasy Ispanııanyń «Atletıko Madrıd» klýbyn 1:0 esebimen súrindirdi.
