Fýtboldan Chempıondar lıgasy: «Parı Sen-Jermen» men «Manchester Sıtı» kezdesedi
NUR-SULTAN. QazAqparat - Búgin, 28 sáýirde UEFA Chempıondar lıgasynyń jartylaı fınalyndaǵy ekinshi oıyn ótedi, dep habarlaıdy QazAqparat tilshisi.
Bul joly «Parı Sen-Jermen» (Frantsııa) men «Manchester Sıtı» (Anglııa) komandalary kezdesedi.
Oıyn elorda ýaqytymen 00.50-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Shırek fınalda «Parı Sen-Jermen» Germanııanyń «Bavarııa», «Manchester Sıtı» Germanııanyń «Borýssııa Dortmýnd» klýbtaryn orta jolda qaldyryp ketti.
Búgingi oıynda eki komanda quramynda da jaraqat alǵan fýtbolshylar bar. Atap aıtqanda, alań ıeleri sapynan Hýan Bernat, Abdý Dıallo, Aleksandr Letele jáne Rafınıa jasyl alańǵa shyqpaıdy. Al aǵylshyndyq klýbtan Serhıo Agýero men Kevın De Breıne búgingi kezdesýden tys qaldy.
Atalǵan kezdesýde germanııalyq Felıks Brıh bas qazy bolady. Oǵan otandastary - Mark Borsh pen Shtefan Lýpp kómekshilik jasaıdy. Qosalqy tóreshi de - sol eldiń ókili Danıel Zıbert. (Berlın, Germanııa).
Eki komanda buǵan deıin úsh márte kezdesti. Onyń ekeýinde teń nátıje tirkelse, bireýinde aǵylshyndyq klýb jeńiske jetti.
