Fýtboldan Chempıondar lıgasy fınalyn qaıdan kórýge bolady

ASTANA. QazAqparat - Qazaqstandyq jankúıerler fýtboldan UEFA Chempıondar lıgasy fınalyndaǵy «Manchester Sıtı» jáne «Inter» kezdesýin qaı telearnadan kóre alatyny belgili boldy, dep habarlaıdy QazAqparat tilshisi.

Kezdesý maýsym aıynyń 10-nan 11-ne qaraǵan túni Túrkııanyń Ystanbul qalasynda 00:50-de bastalady.

Oıyndy elimiz boıynsha «Qazaqstan» jáne «Qazsport» telearnalarynan tikeleı efırde kórýge bolady.

Eki komanda buǵan deıin resmı oıyndarda kezdesip kórmegen.

Aǵylshyndyq klýb óz tarıhynda 2021 jyly tuńǵysh márte fınalǵa shyqqan. Degenmen, qarsylasyna ese jiberip, bas júldesiz qaldy.

Aıta ketsek, «Inter» jarystyń atalǵan satysyna 13 jyldan keıin joldama alyp otyr. 2010 jyly bul klýb atalǵan týrnırdiń jeńimpazy atanǵan edi. Komanda 1964, 1965, 2010 jyldarda atalǵan týrnırde jeńimpaz atansa, 1967, 1972 jyldarda fınalda qarsylasyna ese jiberip qoıdy.