Fýtboldan Chempıondar lıgasy: Fınalǵa joldama alǵan 2 komanda anyqtaldy
NUR-SULTAN. QazAqparat - UEFA Chempıondar lıgasy fınalyna joldama alǵan ekinshi komanda anyqtaldy, dep habarlaıdy QazAqparat tilshisi.
Bul joly «Chelsı» (Anglııa) men «Real Madrıd» (Ispanııa) komandalary kezdesti.
Jartylaı fınaldyń alǵashqy oıynynda komandalar 1:1 esebine qanaǵat bildirgen bolatyn. Sondyqtan búgin eki komandanyń biri jeńiske jetý jolyn izdeýi tıis edi.
Oıyn barysynda aǵylshyndyq klýbtyń basymdyǵy aıńǵarylyp turdy. Qarsylastar qaqpasy mańynda jıi boı kórsetti. Nátıjesinde 28-mınýtta «Chelsı» shabýylshysy Tımo Verner mergendik tanytty. Budan keıin qos komandanyń esepti ózgertetin birneshe múmkindigi boldy.
Oıynnyń 85-mınýtynda aǵylshyndyq klýbtyń taǵy bir oıynshysy Meıson Maýnt qorytyndy esepte belgiledi. Osylaısha «Chelsı» qarsylasyn 2:0 esebimen tize búktirdi. Qos oıynnyń nátıjesimen olar fınalǵa joldama aldy.
Esterińizge sala ketelik, jartylaı fınaldyń taǵy bir jubynda Anglııanyń «Manchester Sıtı» klýby Frantsııanyń «Parı Sen-Jermenin» (2:0, 2:1) orta jolda qaldyryp ketti.
Endi 29 mamyrda UEFA Chempıondar lıgasynyń fınaly aǵylshyndyq qos klýb kezdesedi. Oıyn Túrkııanyń Ystanbul qalasyndaǵy Olımpıadalyq stadıonda bolady.
