Fýtboldan Chempıondar lıgasy: «Chelsı» toǵyz jyldan keıin jeńimpaz atandy
NUR-SULTAN. QazAqparat - Búgin UEFA Chempıondar lıgasynyń bıylǵy jeńimpazy anyqtaldy, dep habarlaıdy QazAqparat tilshisi.
Fınalda Anglııanyń «Manchester Sıtı» jáne «Chelsı» komandalary kezdesti.
Oıyn barysy qos komandanyń tolassyz shabýylymen erekshelendi. Ekeýi bir-biriniń qaqpa mańynda jıi boı kórsetti. Kezdesýdiń 42-mınýtta Kaı Haverts «Manchester Sıtı» qaqpasynan sańylaý tapty.
Osylaısha «Chelsı» qarsylasynan 1:0 esebimen basym tústi. Olar budan buryn bir márte atalǵan týrnır jeńimpazy atanǵan bolatyn. 2012 jyly Germanııanyń «Bavarııa» komandasymen fınalda kezdesip, negizgi kezeńde 1:1 esebimen teń tústi. Al penaltıden olardyń joly bolyp, alǵash ret Chempıondar lıgasynyń kýbogyn tóbesine kótergen edi. Al 2008 jyly fınalda Anglııanyń «Manchester ıÝnaıted» klýbyna jol berip qoıdy.
«Manchester Sıtı» bıyl tuńǵysh ret fınalǵa deıin jetip otyr. Atalǵan klýb buǵan deıin mundaı kezeńge deıin jete almaǵan bolatyn.
