Fýtboldan Chempıondar lıgasy: «Chelsı» «Borýssııa Dortmýnd» komandasynan jeńildi
Ekinshi oıyn kúngi kezdesýdiń birinde «Borýssııa Dortmýnd» (Germanııa) jáne «Chelsı» (Anglııa) komandalary sheberlik baıqasty.
Kezdesý barysynda komandalar bir-biriniń qaqpasy mańynda jıi shabýyl uıymdastyrdy. Kóptegen sátte aǵylshyndyq klýb fýtbolshylarynyń belsendiligi baıqalyp turdy. Oǵan germanııalyq komanda qarymta shabýylmen jaýap berdi.
Ekinshi kezeńde eki komandanyń da gol soǵatyn múmkindigi boldy. Osyndaı sátterdiń birinde Karım Adeıemı 63-mınýtta qaqpany dál kózdedi.
Kezdesýde «Borýssııa Dortmýnd» qarsylasynan 1:0 esebimen basym tústi.
Taǵy bir kezdesýde «Brıýgge» (Belgııa) jáne «Benfıka» (Portýgalııa) komandalary kezdesti.
Bul oıynda da qarsylastar birinshi kezeńde bir-biriniń qaqpasynan sańylaý taba alǵan joq.
Ekinshi kezeńniń 50-mınýtynda portýgaldyq Joaý Marıý penaltıden «Benfıkany» alǵa shyǵardy. Budan keıin komandalar esepti ózgertetin qanshama múmkindikti múlt jiberdi. Al 88-mınýtta portýgaldyq Davıd Neres qorytyndy esepti belgiledi.
Kezdesý «Benfıka» komandasynyń basymdyǵymen 2:0 esebimen aıaqtaldy.
Qarymta oıyndar 7 naýryzǵa belgilengen.
Endi 1/8 fınaldaǵy qalǵan tórt kezdesýdiń alǵashqy oıyny 21 jáne 22 aqpan kúnderi ótkiziledi.
Eske salsaq, budan buryn «Parı Sen-Jermen» óz alańynda «Bavarııadan» jeńildi.
Foto: 103news.com
