Fýtboldan Chempıondar lıgasy: Búgin fınalǵa shyǵatyn alǵashqy komanda anyqtalady
NUR-SULTAN. QazAqparat - Búgin, 4 mamyrda UEFA Chempıondar lıgasy jartylaı fınalynyń qarymta oıyndary bastalady, dep habarlaıdy QazAqparat tilshisi.
Bul joly «Manchester Sıtı» (Anglııa) men «Parı Sen-Jermen» (Frantsııa) komandalary kezdesedi.
Oıyn elorda ýaqytymen 00.50-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Búgingi oıynda aǵylshyndyq klýb sapynda jaraqat alǵan oıynshylar joq. Al frantsýzdyq komanda Hýan Bernat, Kılıan Mbappe jáne Aleksandr Letele kezdesýdi alań syrtynan tamashalaýǵa májbúr.
Atalǵan kezdesýde nıderlandııalyq Born Kýıpers bas qazy qyzmetin atqarady. Oǵan otandastary Sander van Rýkel men Ervın Zeınstra kómekshilik jasaıdy. Qosalqy tóreshi -grekııalyq Anastasıos Sıdıropýlos.
Eki komanda buǵan deıin tórt márte kezdesti. Onyń ekeýinde teń nátıje tirkelse, ekeýinde aǵylshyndyq klýb jeńiske jetti. Alǵashqy kezdesýde «Manchester Sıtı» atalǵan qarsylasynan syrt alańda 2:1 esebimen basym tústi.
Chempıondar lıgasy jartylaı fınalyndaǵy taǵy bir kezdesýde «Chelsı» (Anglııa) jáne «Real Madrıd» (Ispanııa) komandalary sheberlik baıqasady. Bul oıyn 5 mamyrda bolady.
UEFA Chempıondar lıgasynyń fınaly 29 mamyrda Túrkııanyń Ystanbul qalasynda Olımpıadalyq stadıonda bolady.
