Fýtboldan Chempıondar lıgasy: Búgin «Astana» grýzııalyq «Dınamomen» kezdesedi

ASTANA. QazAqparat - Búgin fýtboldan UEFA Chempıondar lıgasy birinshi irikteý satysynda elordalyq «Astana» óz alańynda «Dınamo Tbılısı» (Grýzııa) komandasymen kezdesedi, dep habarlaıdy QazAqparat tilshisi.

Kezdesý 12 shildede «Astana-arena» stadıonynda elorda ýaqytymen 19:50-de bastalyp, «Qazsport» telearnasynan tikeleı efırde kórsetiledi.

«Dınamo Tbılısı» (Grýzııa) 1925 jyly qurylǵan. KSRO birinshiliginde 1964, 1978 jyldary chempıon atandy. Al 1990 jyldan beri óz elinde 18 márte jeńis tuǵyryna kóterildi.

Sondaı-aq, 1981 jyly UEFA kýbok ıegerleri kýbogynda bas júlde aldy.

Eki komanda arasyndaǵy qarymta kezdesý 19 shildege belgilengen.

Jeńimpaz ujym ekinshi irikteý satysynda «Dınamo Zagreb» komandasymen sheberlik baıqasady. Oıyn 25 shilde jáne 1 tamyz kúnderi bolady.

Grýzııalyq ujym 2014 jyly Chempıondar lıgasy ekinshi irikteý satysynda qazaqstandyq «Aqtóbe» klýbyna (0:1, 0:3) ese jibergen edi.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti.

Al, 2016, 2017, 2018 jyldarda Eýropa lıgasy toptyq kezeńinde synǵa tústi.