Fýtboldan Chempıondar lıgasy: Birinshi týr nátıjeleri belgili boldy
NUR-SULTAN. QazAqparat – ÝEFA chempıondar lıgasynyń birinshi týry aıaqtaldy, dep habarlaıdy «QazAqparat» HAA tilshisi.
Týrdyń ortalyq matchy Frantsııa astanasy Parıjde ótti. Jergilikti «Parı Sen-Jermen» koroldik klýb «Realdy» qabyldady. Match basynda alań ıeleri esep ashty. Sol qaptaldan umtylǵan Hýan Bernattyń pasyn madrıdtik komandanyń burynǵy oıynshysy Anhel Dı Marııa golǵa aınaldyrdy. Matchtyń 30-shy mınýtynda Dı Marııa esepti eseledi. Onyń alystan shirene tartqan dobyna Tıbo Kýrtýa jaýap qaıtara almady. Sál ýaqyttan soń Garet Beıl esep aıyrmasyn qysqartqan. Alaıda, tóreshi bul goldy sanamady.
Ekinshi taımda «Parı Sen-Jermen» oıyn basymdyǵyn óz baqylaýynda ustady. Matchtyń bas tóreshisi «Real» shabýylshysy Karım Benzemanyń soqqan golyn da eseptemegenin aıta keteıik. Kerisinshe, alań qojaıyndary úshinshi golyn soqty. Onyń avtory – belgııalyq qorǵaýshy Tomas Mene. Osylaısha, Parıj komandasy úsh upaıdy qorjynǵa basty.
Chempıondar lıgasynyń qalǵan oıyndary mynadaı nátıjemen aıaqtaldy.
Atletıko 2-2 ıÝventýs
Bavarııa 3-0 Tsrvena Zvezda
Shahter 0-3 Manchester Sıtı
Baıer 1-2 Lokomotıv
Dınamo Zagreb 4-0 Atalanta
Brıýgge 0-0 Galatasaraı
Olımpıakos 2-2 Tottenhem
