Fýtboldan Chempıondar lıgasy: «Astana» birinshi kezeńde qarsylasyna gol soǵa almady
NUR-SULTAN. QazAqparat - Dál qazir Nur-Sultan qalasynda fýtboldan ÝEFA Chempıondar lıgasy birinshi irikteý kezeńindegi elordalyq «Astana» men Rýmynııanyń ChFR komandalary arasyndaǵy kezdesýdiń alǵashqy kezeńi aıaqtaldy, dep habarlaıdy QazAqparat tilshisi.
«Astananyń» bas bapkeri Roman Grıgorchýk birinshi mınýttan negizgi quramda Nenad Erıch, Antonıo Rýkavına, Lýka Shımýnovıch, Evgenıı Postnıkov, Abzal Beısebekov, Ivan Maevskıı, ıÝrıı Logvınenko, Rýnar Mar Sıgýronsson, Dorın Rotarıý, Roman Mýrtazaev jáne Marın Tomasov sekildi shákirtterine senim bildirdi.
Al ChFR quramynda jasyl alańǵa Gedrıýs Arlaýskıs, Kamora, Paýlo Vınısıýs, Andreı Býrke, Mıhaı Bordeıaný, Mateo Sýshıch, Hýan Kýlıo, Ovıdıý Hoban, Chıprıan Dıak, Konstantın Peýn jáne Bılel Omranı shyqty.
Kezdesýdiń birinshi kezeńinde eki komanda da bir-biriniń osal tusyn tabýǵa tyrysty. Alań ıeleri kóbirek shabýylǵa kóńil bóldi. Qonaqtar negizinen qorǵanysta júrdi.
«Astana» komandasy da aldaǵy kezdesýge zor úmit artyp otyr. Komanda quramyna birqatar jańa oıynshylar shaqyryldy. Atap aıtqanda, ıslandııalyq Rýnar Sıgýronsson, Kongo Demokratııalyq Respýblıkasynan Fırmın Mýbele keldi. Ekeýi de Eýropa klýbtarynda dop tepken tájirıbeli oıynshylardyń biri sanalady.
«Astana» aıtýly alamanǵa bıyl besinshi jyl qatarynan qatysqaly otyr. Budan burynǵy jyldarda bir márte ÝEFA Chempıondar lıgasynyń toptyq kezeńinde S tobynda synǵa tústi. Qalǵan jyldarda atalmysh týrnırdiń úshinshi jáne pleı-off kezeńderinde súrinip, nátıjesinde ÝEFA Eýropa lıgasy toptyq kezeńinde baq synady. Alǵashqy úsh jylda bolgar mamany Stanımır Stoılov komandańa bapkerlik jasasa, byltyr ony jergilikti bapker Grıgorıı Babaıan atqardy. Bıyl «Astanaǵa» ýkraınalyq Roman Grıgorchýk bapkerlik jasap júrgeni belgili.
Foto: vk.com/astanafootballclub
