Fýtboldan Chempıondar lıgasy: «Qaırat» pen «Semeı» búgin úshinshi oıyndaryn ótkizedi

ASTANA. KAZINFORM - Qazaqstandyq «Qaırat» pen «Semeı» fýtzal klýbtary búgin UEFA Chempıondar lıgasynyń negizgi kezeńindegi úshinshi oıynyn ótkizedi.

Aldymen tórtinshi topta almatylyq «Qaırat» Qazaqstan ýaqytymen 21:00-de kosovolyq «Prıshtına» komandasymen sheberlik baıqasady. Oıyn «Qazsport» telearnasynan tikeleı efırde kórsetiledi.

Alǵashqy eki týrda almatylyq komanda horvatııalyq «Novo Vrıemeni» 3:2 esebimen jeńse, odan keıin Portýgalııanyń «Sportıngten» 2:7 esebimen jeńilip qaldy.

Al «Prıshtına» birinshi oıynda «Sportıngtke» 1:19 esebimen oısyraı jeńilse, kelesi kezekte «Novo Vrıemeni» 7:6 esebimen tize búktirdi.

Sondaı-aq úshinshi topta «Semeı» Ispanııanyń «Palma» klýbymen oınaıdy. Kezdesý Qazaqstan ýaqytymen 23:30-de bastalady.

Qazirge deıin semeılik komanda Chehııanyń «Hrýdımin» 9:5 esebimen jeńse, frantsııalyq «Etýalǵa» 3:4 esebimen ese jiberip qoıdy.

Negizgi kezeńniń alǵashqy eki oıynynda ıspanııalyq klýb «Etýaldan» 2:1, «Hrýdımnen» 9:3 esebimen basym tústi.

Osyǵan deıin ÝEFA Konferentsııalar lıgasynyń fınaly Qazaqstanda ótýi múmkin ekeni týraly jazdyq.