Fýtboldan birinshi lıgaǵa túsip qalǵan eki komanda anyqtaldy

Búgin fýtboldan premer-lıga komandalary arasyndaǵy el birinshiliginiń 24-týrynda birinshi lıgaǵa túsip qalǵan eki komanda anyqtaldy, dep habarlaıdy QazAqparat tilshisi. 

Túrkistan oblysynyń «Maqtaraly» syrt alańda «Atyraýdan» 0:2 esebimen jeńildi.

Osylaısha olar alty oıynǵa sozylǵan sáttilik serııasyn toqtatty. Túrkistan oblysynyń komandasy alty oıynnyń tórteýinde jeńiske jetse, ekeýinde teń túsken edi.

Endi olar qalǵan úsh kezdesýde óz alańynda «Tobyl», «Qyzyljar», syrt alańda «Oqjetpes» klýbtarymen kezdesedi.

Al Aqtaýdyń «Kaspıı» klýby óz alańynda Almatynyń «Qaıratyn» qabyldady. Kezdesý barysynda 1:1 esebi tirkeldi. Soǵan qaramastan aqtaýlyq klýb Premer-lıgamen qosh aıtysty.

Sondaı-aq Pavlodar oblysynyń «Aqsýy» da aldaǵy jyly birinshi lıgada baq synaıdy. Bul klýb búgin óz alańynda Qyzylordanyń «Qaısaryn» 2:0 esebimen súrindirdi. Atalǵan jeńisine qaramastan olar birinshi lıgaǵa túsip qaldy.

Aıta ketsek, 30 qyrkúıekte elordalyq «Astana» syrt alańda «Aqtóbeden» 0:2 esebimen jeńilse, «Shahter» «Tobyldan» 2:1 esebimen basym tústi.

Sondaı-aq búgin óz alańynda «Aqsý» «Qaısardy» 2:0 esebimen jeńse, «Jetisý» «Ordabasyǵa», «Qyzyljar» «Oqjetpeske» 1:2 esebimen ese jiberdi.