Fýtboldan birinshi lıgada «Jetisaı» jetinshi jeńisine qol jetkizdi

ASTANA. KAZINFORM - Fýtboldan birinshi lıga komandalary arasyndaǵy Qazaqstan birinshiliginiń onynshy týry máresine jetti.

Atalǵan týrdyń ekinshi oıyn kúninde Túrkistan oblysynyń «Jetisaıy» syrt alańda «Aqtóbe-2» komandasyn 2:0 esebimen tize búktirdi. Bul - olardyń birinshiliktegi jetinshi jeńisi.

Bıyl birinshi lıgaǵa shyqqan «Jetisaı» jaqsy oıyn órnegin kórsetip keledi. Týrnır kestesindegi úzdik úshtikte tur. Búgingi jeńisinen keıin olar 22 upaımen ekinshi ornyn saqtap qaldy. Kósh basynda kele jatqan «Kaspıımen» jınaǵan upaıy birdeı.

Al Pavlodar oblysynyń «Ekibastuz» klýby óz alańynda Kókshetaýdyń «Oqjetpesine» 0:2 esebimen jol berse, almatylyq «Qaırat-2» Túrkistan oblysynyń «Arysyn» 2:1 esebimen jeńdi.
Bul týrdaǵy «Taraz» jáne «SD Family» kezdesýinde esep ashylǵan joq, 0:0.

Aıta ketsek, 6 maýsymda «Kaspıı» óz alańynda «Han táńirine» 3:5 esebimen jeńilse, «Ulytaý» «Qaısar-2» komandasyn 4:1 esebimen jeńdi.

Al «Túrkistan» men «Aqjaıyq» 1:1 esebine qanaǵat bildirse, «Altaı» men «Qyran» kezdesýi ótken joq.

Endi aldaǵy 11-týr oıyndary 13 jáne 14 maýsym kúnderi ótkiziledi.