Fýtboldan birinshi lıgada «Jetisaı» óz alańynda jeńilip qaldy

ASTANA. KAZINFORM — Fýtboldan Birinshi lıga komandalary arasyndaǵy Qazaqstan birinshiliginiń XIV týrynda Túrkistan oblysynyń «Jetisaıy» óz alańynda jeńilip qaldy.

Túrkistandyq komanda óz alańynda Astananyń «SD Family» klýbyna 2:3 esebimen ese jiberdi. Kezdesý barysynda Rınat Seriqul 2, Tımýr Zýftarov 16-mınýtta qanjyǵasyn maılasa, oǵan astanalyq klýbtan Samat Májıt 4, Dıas Úseıinov 72, Sultan Shymyrhan 92-mınýtta úsh golmen jaýap qaıyrdy.

Sondaı-aq 5 shildedegi taǵy bir kezdesýde Pavlodar oblysynyń «Ekibastuzy» óz alańynda Túrkistan oblysynyń «Arysyn» 3:0 esebimen tize búktirdi.

Aıta ketsek, almatylyq «Han táńiri» Qyzylordanyń «Qaısar-2» komandasyn 4:2, «Ulytaý» «Altaıdy» 2:1 esebimen jeńse, «Túrkistan» «Oqjetpeske» 0:2 esebimen ese jiberdi.

Atalǵan týrda 3 shildede «Kaspıı» «Aqtóbe-2» komandasyna 1:3, «Aqjaıyq» «Qaırat-2» klýbyna 2:3 esebimen jeńildi.c