Fýtboldan birinshi lıgada úshinshi oryn kimge buıyrady

Fýtboldan birinshi lıgada úshinshi oryn alǵan komanda sońǵy týrda anyqtalady, dep habarlaıdy Kazinform.

Ázirge mundaı múmkindikke elordalyq «Jeńis» pen oraldyq «Aqjaıyq» ıe bolyp otyr.

Sońǵy týrda «Jeńis» syrt alańda Shymkenttiń «Qyran» komandasymen sheberlik baıqasty. Kezdesý barysynda alań ıeleri qatarynan Aıdyn Óksikbaev 35-mınýtta esep ashsa, elordalyq klýbtan Tamaz Makatsarııa 45-mınýtta tarazy basyn teńestirdi.

Osylaısha komandalar 1:1 esebine qanaǵat bildirdi.

Al «Aqjaıyq» óz alańynda «Aqtóbe-2» komandasyn 3:1 esebimen tize búktirdi.

Oıyn barysynda alań ıelerinen Baýyrjan Omarov 45, Mıram Sapanov 63, Nıkolaı Agapov 72-mınýtta mergendik tanytsa, aqtóbelik Aıan Baıdáýletov 74-mınýtta esep aıyrmasyn qasqartty.

Bul týrda «Astana-2» «Túrkistannan» 2:5, «Jas Qyran» «Turan» 1:2 esebimen jeńilse, «Arys» pen «Ekibastuz» 1:1 esebimen teń tústi.

Endi 25 qazanda «Ońtústik akademııasy» men «Han táńiri», «Qaırat-Jastar» men «Elimaı» komandalary kezdesedi.

Eske salsaq, Qazaqstan Premer-lıgasy 25-týrynyń úzdik oıynshylary men jattyqtyrýshylary anyqtaldy.