Fýtboldan Birinshi lıgada «Ulytaý» úzdik úshtikke kóterildi

ASTANA. KAZINFORM – Fýtboldan Birinshi lıganyń HHІ týry máresine jetti. 

Bul týrda Jezqazǵannyń «Ulytaý» komandasy syrt alańda Óskemenniń «Altaıyn» 4:0 esebimen súrindirdi. Atalǵan jeńisten keıin jezqazǵandyq klýb úzdik úshtikti túıindep tur. Aldaǵy ýaqytta Premer-lıgaǵa beriletin eki joldamanyń birine qol jetkizýge múmkindigi zor. 

Aqtaýlyq «Kaspıı» sońǵy tórt týrda jeńilistiń aşy dámin tatqan joq. Eki márte teń tússe, odan keıin qatarynan eki márte jeńiske jetti. «Kaspıı» atalǵan týrda óz alańynda «Jetisaıdy» 2:0 esebimen tize búktirdi. 

Týrnır kestesinde ekinshi orynda kele jatqan «Qaırat-2» jeńisti jolyn jalǵastyrdy. Olar óz alańynda Oraldyń «Aqjaıyǵynan» 3:2 esebimen basym tústi. 

Sondaı-aq atalǵan týrda «Han táńiri» (Almaty) «Arys» (Túrkistan) komandasyn 3:2, «Túrkistan» «Aqtóbe-2» klýbyn 2:1, «Ekibastuz» «Kaısar-2» klýbyn 3:0 esebimen jeńse, «SD Family» (Astana) «Tarazǵa» 1:2 esebimen ese jiberdi. 

Endi HHІІ týr oıyndary 29 tamyz kúnderi ótkiziledi.

Eske salsaq, Konferentsııa lıgasyff satysynda «Astana» alǵashqy oıynda «Brannǵa» ese jiberdi.