Fýtboldan Birinshi lıgada «Turan» alǵashqy jeńisine jetti

ASTANA. KAZINFORM - Búgin fýtboldan Birinshi lıga komandalary arasyndaǵy Qazaqstan birinshiliginiń ІІ týrynyń alǵashqy oıyn kúni máresine jetti.

Bul kúni túrkistandyq «Turan» óz alańynda sol oblystyń taǵy bir ókili «Arysty» qabyldady. 
Alǵashqy týrda Shymkenttiń «Akademııa Ońtústik» komandasyna 1:2 esebimen ese jibergen komanda endi jeńiske jetýge bar kúshin saldy. Soǵan qaramastan olar birinshi kezeńde qarsylas qaqpasynan sańylaý taba alǵan joq.

Ekinshi kezeńde 50-mınýtta «Turan» sapynan Temirlan Murzaǵalıev soqqan gol kezdesý taǵdyryn sheshti. Osylaısha olar qarsylasynan 1:0 esebimen basym túsip, birinshiliktegi alǵashqy jeńisine qol jetkizdi.

Sondaı-aq búgin Oraldyń «Jaıyǵy» elordalyq «Astana-J» komandasyn 1:0 esebimen tize búktirse, «Kaspıı-J» (Aqtaý) - «Qaırat-J» (Almaty) 1:1 esebine qanaǵat bildirdi.

17 sáýirdegi oıyn kestesi

• 15:00. «Shahter» (Qaraǵandy) - «Batyr» (Pavlodar oblysy) 
• 15:00. «Aqtóbe-J» - «Taraz» 
• 15:00. «Elimaı-J» (Semeı) - «Han táńiri» (Almaty) 
• 16:00. «Akademııa Ońtústik» (Shymkent) - «Tobyl-J» (Qostanaı).

Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.