Fýtboldan Birinshi lıgada «Taraz» syrt alańda basty qarsylasyn jeńdi
ASTANA. KAZINFORM — Fýtboldan Birinshi lıganyń VІ týryny alǵashqy oıyn kúni ótti.
Bul týrda jankúıerler tarapynan «Turan» (Túrkistan) — «Taraz» kezdesýine erekshe qyzyǵýshylyq týyndady. Bıyl eki komanda aldynda Premer-lıgaǵa qaıta oralý mindeti tur. Sondyqtan kópshilik kókeıinde ózara kezdesýde qaısysy jeńiske jetedi degen saýal turǵan edi.
Kezdesý barysynda tarazdyq fýtbolshylar jınaqy qımyl kórsetti. Aldymen olardyń qatarynan Dıas Qalybaev 16-mınýtta esep ashsa, 35-mınýtta Amanjol Muhametjanov mergendik tanytty.
Osylaısha «Taraz» basty qarsylasyn syrt alańda 2:0 esebimen súrindirip, týrnır kestesindegi jaǵdaıyn jaqsartyp aldy. Nátıjesinde olar 12 upaımen ekinshi orynǵa kóterildi.
14 mamyr
«Tobyl-2» (Qostanaı) — «Astana-2» 1:2
«Elimaı-2» (Semeı) — «Kaspıı-2» (Aqtaý) 0:4
«Turan» (Túrkistan) — «Taraz» 0:2.
Endi 15 mamyrda taǵy tórt oıyn ótkiziledi. Olardyń arasynda týrnır kestesinde kósh basynda kele jatqan «Shahter» komandasy da bar. Qaraǵandylyq fýtbolshylar erteń óz alańynda «Aqtóbe-2» klýbyn qabyldaıdy.
15 mamyr
14:00. «Shahter» (Qaraǵandy oblysy) — «Aqtóbe-2»
16:00. «Akademııa Ońtústik» (Shymkent) — «Qaırat-2» (Almaty)
16:00. «Arys» (Túrkistan oblysy) — «Han táńiri» (Almaty)
17:00. «Jaıyq» (Oral) — «Batyr» (Pavlodar oblysy)
Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.
