Fýtboldan birinshi lıgada «Taraz» «Aqtóbe» jastarynan jeńilip qaldy

ASTANA. KAZINFORM - Búgin fýtboldan Birinshi lıga komandalary arasyndaǵy Qazaqstan birinshiliginiń ІІ týry máresine jetti.

Bul týrdaǵy ekinshi oıyn kúninde «Taraz» syrt alańda «Aqtóbe-J» komandasymen kezdesti.

Bıyl tarazdyq fýtbolshylar Premer-lıgaǵa qaıta oralýdy kózdep otyr. Komanda quramyna kóptegen tájirıbeli fýtbolshyny qatarǵa qosty. Soǵan qaramastan búgin qarsylasyna ese jiberýge májbúr boldy. Kezdesý taǵdyrysh sheshken jalǵyz gol aqtóbelik Dosjan Arystanovtyń enshisine jazyldy.

Osylaısha «Taraz» qarsylasyna 0:1 esebimen jiberip qoıdy.

16 sáýir 

«Kaspıı-J» (Aqtaý) - «Qaırat-J» (Almaty) 1:1 

«Jaıyq» (Oral) - «Astana-J» 1:0

«Turan» (Túrkistan) - «Arys» (Túrkistan oblysy) 1:0

17 sáýir

«Shahter» (Qaraǵandy) - «Batyr» (Pavlodar oblysy) 4:0

«Aqtóbe-J» - «Taraz» 1:0

«Elimaı-J» (Semeı) - «Han táńiri» (Almaty) 3:3 

«Akademııa Ońtústik» (Shymkent) - «Tobyl-J» (Qostanaı) 3:0.

Bul týrdan keıin alty upaı jınaǵan «Akademııa Ońtústik» pen «Jaıyq» komandalary kósh basynda kele jatsa, odan keıingi oryndardaǵy «Shahter» men «Aqtóbe-J» tórt upaı jınaǵan.

Endi aldaǵy týr oıyndary 23 jáne 24 sáýir kúnderi ótkiziledi. Aldymen 23 sáýirde «Astana-J» men «Akademııa Ońtústik», «Batyr» men «Kaspıı-J», «Qaırat-J» men «Aqtóbe-J», «Arys» pen «Shahter» kezdesedi. Odan keıin 24 sáýirde «Tobyl-J» men «Turan», «Taraz» ben «Elimaı», «Han táńiri» men «Jaıyq» jasyl alańǵa shyǵady.