Fýtboldan Birinshi lıgada «Shahter» «Jetisaıdy» iri eseppen jeńdi

ASTANA. KAZINFORM - Fýtboldan Birinshi lıgada HHІІ týry máresine jetti.

Atalǵan týrdyń ekinshi oıyn kúni, 19 qyrkúıekte almatylyq «Qaırat-2» Shymkenttiń «Akademııa Ońtústigine» 0:3 esebimen ese jiberse, Qaraǵandynyń «Shahteri» Túrkistan oblysynyń «Jetisaıyn» 5:0, Pavlodar oblysynyń «Ertisi» «Túrkistandy» 6:1 esebimen jeńdi.

Atalǵan týrda 18 qyrkúıekte «Aqtóbe-2» óz alańynda «Tarazdan» 0:4, Pavlodar oblysynyń «Ekibastuzy» aqtaýlyq «Kaspııge» 1:1 esebimen jeńilse, «Han táńiri» (Almaty) men «SD Family» (Astana), AKAS (Almaty) pen «Altaı» (Óskemen) 1:1 esebimen teń tústi.

Týrnır kestesinde alǵashqy úsh orynǵa ıe bolǵan komandalar aldaǵy jyly Premer-lıgaǵa qatysý úshin tikeleı joldamaǵa qol jetkizedi.

Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.

Jıyrma bir týrdan keıin «Kaspıı», «Ertis», «Shahter», «Altaı» komandalary alǵashqy oryndardy ózara bólisip tur.