Fýtbol: Birinshi lıgada «Shahter» komandasy úshinshi jeńisine jetti

ASTANA. KAZINFORM - Fýtboldan Birinshi lıga komandalary arasyndaǵy Qazaqstan chempıonatynyń úshinshi týry máresine jetti.

Búgin, 25 sáýirde qaraǵandylyq «Shahter» syrt alańda almatylyq «Han táńiri» klýbymen kezdesti.

Alǵashqy eki týrda qaraǵandylyq komanda upaıdan shashaý shyǵarǵan joq. Degenmen olar úshinshi týrda almatylyq klýb tarapynan qarsylyqqa tap boldy. 

Kezdesý barysynda «Han táńiri» sapynan Artem Lıtosh 22-mınýtta esep ashsa, qaraǵandylyq klýbtan 44-mınýtta Maksım Galkın tarazy basyn teńestirdi.

Ekinshi kezeńde «Shahter» sapynan Aıdos Táttibaev 73, Aıdos Táttibaev 88-mınýtta eki gol soqsa, oǵan almatylyq komandan bir golmen ajýap qaıyrdy.

Osylaısha «Shahter» qarsylasynan 3:2 esebimen basym túsip, týrnır kestesinde toǵyz upaımen ekinshi orynǵa kóterildi.

Sondaı-aq búgin «Taraz» óskemendik «Altaıdy» 3:0, (Óskemen), pavlodarlyq «Ertis» almatylyq «Qaırat-2» komandasyn 1:0 esebimen jeńdi.

Al 24 sáýirde aqtaýlyq «Kaspıı» Shymkenttiń «Ońtústik akademııany» 3:1, astanalyq «SD Family» almatylyq AKAS klýbynan 1:0 esebimen basym tústi.

Atalǵan týrda «Ekibastuz» (Pavlodar oblysy) ben «Aqtóbe-2» 3:3 esebimen teń oınasa, «Túrkistan» óz alańynda Túrkistan oblysynyń «Jetisaıyna» 0:1 esebimen jol berdi.