Fýtboldan Birinshi lıgada «Shahter» syrt alańda oısyraı jeńildi

ASTANA. KAZINFORM - Búgin fýtboldan Birinshi lıgada 12-týrynda qaraǵandylyq «Shahter» syrt alańda «Tarazdan» oısyraı jeńildi. 

Bıyl qaraǵandylyq klýb Premer-lıgaǵa qaıta oralýdy aldyna maqsat etip otyr. Degenmen olardyń oıyn órnegi jankúıer kóńilinen shyǵar emes.

Búgin qaraǵandylyq komanda syrt alańda «Taraz» klýbymen kezdesti. Oıyn barysynda tarazdyq fýtbolshylar jınaqy qımyl kórsetti. Nátıjesinde olardyń qatarynan Abzal Muhanbetjanov 31, 38-mınýtta mergendik tanytsa, odan keıin Sanjar Kemelbek 77, 84-mınýtta kózdegen nysanadan múlt ketken joq.

Osylaısha «Shahter» qarsylasyna 0:4 esebimen jol berdi.

Sondaı-aq atalǵan týrda aqtaýlyq «Kaspıı» men almatylyq «Qaırat-2» komandalary 0:0 esebine qanaǵat bildirse, óskemendik «Altaı» Túrkistan oblysynyń «Altaıyn», pavlodarlyq «Ertis» Almatynyń «Han Táńiri» klýbyn 2:0 esebimen súrindirdi.

Al 3 shildede elordalyq «SD Family» Pavlodar oblysynyń «Ekibastuzyna» 0:1, almatylyq AKAS shymkenttik «Akademııa Ońtústikke» 0:2 esebimen jeńilse, «Túrkistan» men «Aqtóbe-2» klýbtary 1:1 esebimen teń tústi.

Endi aldaǵy týr oıyndary 10 jáne 11 shilde kúnderi ótedi.

Eske salsaq, budan buryn Andreı Ferapontov «Oqjetpes» komandasy bas bapkeri qyzmetinen ketti.