Fýtboldan Birinshi lıgada «Shahter» iri jeńiske jetti

ASTANA. KAZINFORM — Búgin fýtboldan Birinshi lıga komandalary arasyndaǵy Qazaqstan birinshiligi ІІІ týrynyń alǵashqy oıyn kúni ótti.

Bul týr oıyndary 23 jáne 24 sáýir kúnderi ótkiziledi.

Bul kúni qaraǵandylyq «Shahter» syrt alańda Túrkistan oblysynyń «Arys» klýbymen sheberlik baıqasty. 

Qaraǵandylyq komanda bıyl aldyna Premer-lıgaǵa qaıta oralý maqsatyn qoıyp otyr. Kezdesý barysynda olar jyldam gol soǵý múmkindigin izdedi. Nátıjesinde birinshi kezeńde eki gol soǵyp úlgerse, ekinshi kezeńde taǵy tórt márte kózdegen nysanadan múlt ketken joq. 

Osylaısha qaraǵandylyq komanda qarsylasynan 6:0 esebimen basym túsip, týrnır kestesinde jeti upaımen birinshi orynǵa jaıǵasty.

23 sáýirdegi oıyn nátıjesi

«Astana-J» — «Akademııa Ońtústik» (Shymkent) 1:0
«Qaırat-J» (Almaty) — «Aqtóbe-J» 6:0
«Batyr» (Pavlodar oblysy) — «Kaspıı-J» (Aqtaý) 1:0
«Arys» (Túrkistan oblysy) — «Shahter» (Qaraǵandy) 0:6.

Endi 24 sáýirde taǵy úsh oıyn ótkiziledi. Olardyń arasynda «Tobyl-J» (Qostanaı) — «Turan» (Túrkistan) kezdesýi erekshe qyzyǵýshylyq týǵyzyp otyr. Alǵashqy týrda olar oılamaǵan jerden «Akademııa Ońtústik» klýbyna 0:1 esebimen ese jibergen edi. Aldaǵy jyly Premer-lıgaǵa qaıta oralýdy aldyna maqsat etken túrkistandyq klýb endi upaı joǵaltpaýǵa tyrysady.

24 sáýirdegi oıyn kestesi

15:00. «Tobyl-J» (Qostanaı) — «Turan» (Túrkistan)
16:00. «Taraz» — «Elimaı-J» (Semeı)
18:00. «Han táńiri» (Almaty) — «Jaıyq» (Oral)

Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.

Eske salsaq, budan buryn Fýtboldan Qazaqstan áıelder quramasynyń álemdik reıtıngidegi orny jaqsardy.