Fýtboldan birinshi lıgada «Shahter» men «Ertis» teń tústi

ASTANA. KAZINFORM — Búgin, 1 mamyrda fýtboldan birinshi lıga komandalary arasyndaǵy Qazaqstan chempıonatynyń 4-týrnyń alǵashqy oıyn kúni ótti.

Bul kúni jankúıerler negizinen «Shahter» (Qaraǵandy) men «Ertis» (Pavlodar) kezdesýine kóz tikti. Kezinde Premer-lıgada kóshbasshy klýbtar qatarynda bolǵan olar bıyl birinshi lıgada synǵa túsip jatyr.

Qarsylastar bıylǵy dop dodasyn sátti bastady. Alǵashqy úsh týrda birde-bir upaı joǵaltqan joq edi. Dese de búgingi oıyn barysynda olar bir-biriniń qaqpasynan sańylaý taba alǵan joq.
Komandalar 0:0 esebine qanaǵat bildirip tarasty.

Al almatylyq «Qaırat-2» óz alańynda Pavlodar oblysynyń «Ekibastuzyn» 7:0 esebimen oısyrata jeńdi.

Sondaı-aq búgin Túrkistan oblysynyń «Jetisaı» (Túrkistan oblysy) óz alańynda astanalyq «SD Family» klýbyna 1:2 esebimen jol berse, óskemendik «Altaı» (Óskemen) men «Aqtóbe-2» 0:0 esebine qanaǵat bildirip tarasty.

Endi 2 mamyrda «Taraz» ben «Kaspıı» (Aqtaý), AKAS (Almaty) pen «Han táńiri» (Almaty), «Akademııa Ońtústik» (Shymkent) pen «Túrkistan» oınaıdy.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi. Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.