Fýtboldan Birinshi lıgada «Shahter» qatarynan eki márte teń tústi

ASTANA. KAZINFORM - Fýtboldan Birinshi lıga komandalary arasyndaǵy Qazaqstan chempıonatynyń 5-týry máresine jetti.

Búgin, 9 mamyrda kósh basynda kele jatqan qaraǵandylyq «Shahter» men aqtaýlyq «Kaspıı» komandalary úshin sátsiz boldy.

Qaraǵandylyq komanda syrt alańda Pavlodar oblysynyń «Ekibastuzymen» kezdesti. Bıyl Premer-lıgaǵa qaıta oralýdy aldyna maqsat etken «Shahter» bul joly oılamaǵan jerden 2:2 esebine qanaǵat bildirdi. Nátıjesinde olar qatarynan eki márte teń túsýge májbúr boldy.

Oıynnyń 39-mınýtynda olardyń qatarynan Arman Núsip penaltıden esep ashsa, ekibastuzdyq klýbtan Danııal Kákenov 45-mınýtta tarazy basyn teńestirdi.

Al Shadman Bákirov 83-mınýtta «Ekibastuzdy» alǵa shyǵarsa, qaraǵandylyq fýtbolshy Aıdos Táttibaev qorytyndy esepti belgiledi.

Taǵy bir oıynda aqtaýlyq «Kaspıı» óz alańynda óskemendik «Altaıǵa» 1:2 esebimen ese jiberse, almatylyq «Han táńiri» Túrkistan oblysynyń «Jetisaıyn» 2:0 esebimen tize búktirdi.

8 mamyrda pavlodarlyq «Ertis» almatylyq AKAS klýbyn 2:0, «Túrkistan» «Tarazdy» 1:0 esebimen jeńse, «Aqtóbe-2» men «Qaırat-2» (Almaty) 1:1 esebine qanaǵat bildirdi.

Al astanalyq «SD Family» óz alańynda shymkenttik «Akademııa Ońtústik» klýbynan 0:3 esebimen jeńilip qaldy.

Eske salsaq, budan buryn anglııalyq «Chelsı» Konferentsııa lıgasy fınalyna shyqty.