Fýtboldan Birinshi lıgada «Shahter» qarsylasyn iri eseppen jeńdi
ASTANA. KAZINFORM — Fýtboldan Birinshi lıganyń VІ týry máresine jetti.
Ekinshi oıyn kúni, 15 mamyrda qaraǵandylyq «Shahter» óz alańynda «Aqtóbe-2» komandasyn 7:0 esebimen oısyrata jeńdi.
Komandalar birinshi kezeńde bir-biriniń qaqpasynan sańylaý taba alǵan joq.
Ekinshi kezeńde qaraǵandylyq komanda qarsylas qaqpasyna jaýapsyz jeti gol soǵyp ketti.
Oıyndar nátıjesi
14 mamyr
14:00. «Tobyl-2» (Qostanaı) — «Astana-2» 1:2
16:00. «Elimaı-2» (Semeı) — «Kaspıı-2» (Aqtaý) 0:4
17:00. «Turan» (Túrkistan) — «Taraz» 0:2
15 mamyr
14:00. «Shahter» (Qaraǵandy oblysy) — «Aqtóbe-2» 7:0
16:00. «Akademııa Ońtústik» (Shymkent) — «Qaırat-2» 1:3 (Almaty)
16:00. «Arys» (Túrkistan oblysy) — «Han táńiri» (Almaty) 0:1
17:00. «Jaıyq» (Oral) — «Batyr» (Pavlodar oblysy) 0:1.
Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.
Qazir týrnır kestesinde 136 upaımen «Shahter» komandasy keledi. Al odan keıingi oryndardaǵy «Qaırat-2» komandasynyń 14, «Taraz» ben «Turannyń» 10 upaıy bar.
