Fýtboldan birinshi lıgada «Shahter» ekinshi jeńisine qol jetkizdi

ASTANA. KAZINFORM - Fýtboldan birinshi lıga komandalary arasyndaǵy Qazaqstan chempıonatynyń 2-týry máresine jetti.

Bul týrdyń ekinshi oıyn kúni, 18 sáýirde qaraǵandylyq «Shahter» óz alańynda elordalyq «SD Family» komandasyn qabyldady. 

Kezdesý barysynda astanalyq klýbtan Nurádil Serikov 17-mınýtta óz qaqpasyna gol soǵyp alsa, odan keıin qaraǵandylyq Maksım Galkın 27, Dıas Qalybaev 62, Arman Núsip 66-mınýtta mergendik tanytty. Oǵan elordalyq komandadan Arafat Valıev 87-mınýtta bir golmen jaýap qaıyrdy.

Osylaısha «Shahter» qarsylasynan 4:1 esebimen basym túsip, bıylǵy maýsymdaǵy ekinshi jeńisine qol jetkizdi.

Sondaı-aq almatylyq AKAS «Túrkistandy» 3:1 esebimen tize búktirse, shymkenttik «Ońtústik akademııa» «Tarazdan» 0:2 esebimen ese jiberdi.

Al «Altaı» (Óskemen) men «Ekibastuz» (Pavlodar oblysy) 0:0 esebine qanaǵat bildirdi.

Atalǵan týrda 17 sáýirde almatylyq «Qaırat-2» klýby almatylyq «Han táńirin» 2:1, «Ertis» «Aqtóbe-2» klýbynan 1:0 esebimen basym tússe, Túrkistan oblysynyń «Jetisaıy» aqtaýlyq «Kaspııge» 0:1 esebimen jol berdi.

Eki týrdan keıin upaı joǵaltpaǵan «Ertis», «Kaspıı», «Shahter» komandalary alǵashqy úsh oryndy ózara bólisip tur.

Endi úshinshi týr oıyndary 24 jáne 25 sáýir kúnderi ótkiziledi.