Fýtboldan Birinshi lıgada «Shahter» ekinshi orynǵa kóterildi

ASTANA. KAZINFORM - Búgin fýtboldan Birinshi lıgada 14-týrdyń alǵashqy oıyn kúni ótti.

Sońǵy eki týrda jeńilistiń aşy dámin tatqan «Shahter» bul joly súringen joq. Syrt alańdaǵy astanalyq «SD Family» komandasymen kezdesýinde olardyń qatarynan Arman Núsip 68, 77-mınýtta mergendik tanytty. 

Osylaısha qaraǵandylyq klýb qarsylasynan 2:0 esebimen basym túsip, týrnır kestesinde 29 upaımen ekinshi orynǵa kóterildi.

Sondaı-aq atalǵan týrdyń alǵashqy oıyn kúninde Pavlodar oblysynyń «Ekibastuzy» óskemendik «Altaıdan» 1:3, «Túrkistan»almatylyq AKAS klýbynan 0:2 esebimen jeńilip qaldy.

Endi 18 shildede «Han táńiri» (Almaty) men «Qaırat-2» (Almaty), «Taraz» ben «Akademııa Ońtústik» (Shymkent), «Ertis» (Pavlodar oblysy) pen «Aqtóbe-2», «Kaspıı» (Aqtaý) men «Jetisaı» (Túrkistan oblysy) oınaıdy.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.