Fýtboldan birinshi lıgada «Shahter» ekinshi orynǵa kóterildi

ASTANA. KAZINFORM - Fýtboldan Birinshi lıga komandalary arasyndaǵy Qazaqstan chempıonatynyń 6-týry máresine jetti.

Atalǵan týrdyń ekinshi oıyn kúni, 16 naýryzda qaraǵandylyq «Shahter» men «Aqtóbe-2» kezdesti.

Byltyr Premer-lıgadan túsip qalǵan qaraǵandylyq klýb bıyl qaıtadan úzdikter qatarynan kórinýge umtylady. Sondyqtan árbir oıynda jeńiske jetý jolyn izdep keledi. Dese de, sońǵy eki týrda olar teń nátıjege qanaǵat bildirdi. Osyǵan baılanysty qaraǵandylyq fýtbolshylar búgingi oıynda alǵashqy mınýttan tizgindi óz qolynda alýǵa tyrysty.

Osylaısha olar qarsylasynan 3:1 esebimen basym túsip, týrnır kestesinde ekinshi orynǵa kóterildi.

Sondaı-aq óskemendik «Altaı» qatarynan ekinshi márte jeńiske jetip, jaǵdaıyn jaqsarta tústi. Bul joly almatylyq «Qaırat-2» klýbyn 2:0 esebimen jeńdi.

Oıyn nátıjesi

16 naýryzda

«Altaı» (Óskemen) - «Qaırat-2» (Almaty) 2:0

«Akademııa Ońtústik» (Shymkent) - «Han táńiri» (Almaty) 4:2 «Taraz» - «SD Family» (Almaty) 1:1

«Shahter» (Qaraǵandy) - «Aqtóbe-2» 3:1

15 naýryz

«Kaspıı» (Aqtaý) - «Túrkistan» 4:0

AKAS (Almaty) - «Ekibastuz» 2:0

«Jetisaı» (Túrkistan oblysy) - «Ertis» (Pavlodar) 1:1.

Aldaǵy týr oıyndary 22 jáne 23 mamyr kúnderi ótkiziledi.