Fýtboldan Birinshi lıgada «Shahter» «Ekibastuzdy» iri eseppen jeńdi

ASTANA. KAZINFORM - Búgin fýtboldan Birinshi lıgada 17-týry máresine jetti.

Ekinshi oıyn kúni, 8 tamyzda qaraǵandylyq «Shahter» óz alańynda Pavlodar oblysynyń «Ekibastuzyn» (Pavlodar oblysy) 4:0 esebimen jeńse, Pavlodardyń «Ertisi» syrt alańda almatylyq AKAS klýbynan 5:2 esebimen basym tústi.

Al óz alańynda «Taraz» «Túrkistandy», Túrkistan oblysynyń «Jetisaıy» almatylyq «Han Táńirin» 6:0 esebimen tize búktirdi.

Aıta ketsek, 7 tamyzda óskemendik «Altaı» «Kaspııin» 5:1, Shymkenttiń «Akademııa Ońtústigi» elordalyq «SD Family» komandasyn 5:2 esebimen jeńse, «Qaırat-2» (Almaty) men «Aqtóbe-2» komandalary 2:2 esebine qanaǵat bildirdi.

Atalǵan týrdan keıin «Kaspıı» 41 upaımen kósh bastap tursa, odan keıingi oryndardaǵy «Ertistiń» 39, «Altaıdyń» 38, «Shahterdiń» 35 upaıy bar.

Endi aldaǵy týr oıyndary 14 jáne 15 tamyz kúnderi ótkiziledi.

Eske salsaq, budan buryn fýtboldan áıelder lıgasynda «Aqtóbe» qatarynan on úshinshi ret jeńiske jetti.