Fýtboldan Birinshi lıgada «Shahter» «Altaıdy» qapy qaldyrdy

ASTANA. KAZINFORM — Búgin fýtboldan Birinshi lıgada HH týry máresine jetti. 

Ekinshi oıyn kúni, 29 tamyzda aldymen «Shahter» (Qaraǵandy) men «Altaı» (Óskemen) sheberlik baıqasty. 

Kezdesý barysynda óskemendik klýbtan Sergeı Hıjnıchenko 8-mınýtta esep ashsa, oǵan qaraǵandylyq komandadan Dáýlet Zaınetdınov 42, Sultan Shymyrhan 88-mınýtta eki golmen jaýap qaıyrdy.

Nátıjesinde «Shahter» qarsylasyn 2:1 esebimen qapy qaldyrdy.

Taǵy bir kezdesýde pavlodarlyq «Ertis» «Tarazdy 6:0 esebimen jeńdi.

Al 28 tamyzda aqtaýlyq «Kaspıı» almatylyq «Han táńiri» komandasyn 2:1, astanalyq «SD Family» «Túrkistandy» 7:0, almatylyq «Qaırat-2» sol qalanyń taǵy bir ókili AKAS klýbyn 3:0, Pavlodar oblysynyń «Ekibastuzy» shymkenttik «Akademııa Ońtústikti» 2:1 esebimen jeńse, «Aqtzbe-2» Túrkistan oblysynyń «Jetisaıyna» 1:2 esebimen jol berdi.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Shahter», «Ertis», «Kaspıı», «Altaı» úzdikter qatarynan kórinýge talasyp keledi.