Fýtboldan birinshi lıgada «Oqjetpes» qaıtadan kósh basyna shyqty

ASTANA. KAZINFORM - Fýtboldan Birinshi lıganyń HHVІІІ týry máresine jetti.

Atalǵan týrda Kókshetaýdyń «Oqjetpesi» qaıtadan kósh basyna shyqty. Sońǵy tórt týrda olar eki márte jeńilistiń aşy dámin tatyp, týrnır kestesindegi jaǵdaıyn birshama qıyndatyp alǵan edi. Bul joly kókshetaýlyq komanda «Túrkistandy» 7:0 esebimen tize búktirip, kósh basyna shyqty.

Atalǵan komandamen birge bas júldege negizgi úmitker sanalatyn Jezqazǵannyń «Ulytaýy» bul joly syrt alańda Pavlodar oblysynyń «Ekibastuzyna» 3:4 esebimen ese jiberdi.

Endi alda eki týr qaldy. «Oqjetpes» endi 18 qazanda syrt alańda «SD Family» klýbymen kezdesse, 25 qazanda bıylǵy maýsymdy óz alańynda Qyzylordanyń «Qaısar-2» komandasy arasyndaǵy oıynmen túıindeıdi.

Al «Ulytaý» 18 qazanda Oralda «Aqjaıyqpen» jasyl alańǵa shyqsa, 25 qazanda óz alańynda «SD Family» klýbymen oınaıdy.

Sondaı-aq bas júldeden qazir ekinshi orynda kele jatqan «Qaırat-2» komandasy da qol úze qoıǵan joq. Almatylyq klýb atalǵan týrda Túrkistan oblysynyń «Arysyn» 2:1 esebimen súrindirdi.

Bul týrda Túrkistan oblysynyń «Jetisaıy» «Tarazdy» 2:0, Oraldyń «Aqjaıyǵy» «Aqtóbe-2» komandasyn 1:0, almatylyq «Han táńiri» qyzylordalyq «Qaısar-2» komandasyn 4:1 esebimen jeńdi.

Eske salsaq, budan buryn Ulttar lıgasynda Qazaqstan quramasy Avstrııadan oısyraı jeńildi.