Fýtboldan birinshi lıgada «Oqjetpes» alǵashqy oıynda jeńiske jetti

ASTANA. KAZINFORM - Fýtboldan birinshi lıga komandalary arasyndaǵy Qazaqstan chempıonatynyń birinshi týryndaǵy alǵashqy oıyn kúni ótti.

Alǵashqy oıyn kúninde tórt kezdesý ótti. Byltyr Premer-lıgada dop tepken Kókshetaýdyń «Oqjetpes» klýby bul joly súringen joq. Syrt alańda «Taraz» komanadsynan 2:1 esebimen basym tústi.

Dál osyndaı eseppen Jezqazǵannyń «Ulytaýy» syrt alańda Astananyń «SD Family» klýbynan basym tústi. Ulytaý oblysynyń atynan synǵa túsip jatqan komanda byltyr ekinshi lıgada jeńimpaz atanyp, bıyl birinshi lıgada oıyn kórsetýge múmkindik alǵan edi. Osylaısha alǵashqy kezdesýinde sáttilik serik bolyp, qarsylasyn qapy qaldyryp ketti.

Sondaı-aq, alǵashqy týrda Qyzylordanyń «Qaısar-jas» klýby «Aqtóbe-jastan» 3:1 esebimen basym tússe, Almatynyń «Han Táńiri» klýby «Jetisaıdy» 1:0 esebimen jeńdi.

Endi 5 sáýirde «Aqjaıyq» pen «Ekibastuz», «Qyran» men «Túrkistan», «Arys» pen «Kaspıı» oınasa, 7 sáýirde Qaırat-Jastar» «Altaıdy» qabyldaıdy.

Eske salsaq, budan buryn fýtboldan Premer-lıga komandalary arasyndaǵy el birinshiliginiń 3-týry ótti.