Fýtboldan Birinshi lıgada «Kaspıı» «Jetisaımen» teń tústi

ASTANA. KAZINFORM - Búgin fýtboldan Birinshi lıgada 14-týry máresine jetti.

Bul týrdyń ekinshi oıyn kúni, 18 shildede tórt oıyn ótkizildi. Olardyń arasynda kósh basynda kele jatqan «Kaspıı» (Aqtaý), «Ertis» (Pavlodar), «Altaı» (Óskemen) klýbtary bar. 

Aqtaýlyq komanda óz alańynda Túrkistan oblysynyń «Jetisaıyn» qabyldady. Olar oılamaǵan jerden qarsylasymen upaı bólisýge májbúr boldy. «Kaspıı» sapynan Mıras Turlybek 10, 75-mınýtta gol soqsa, túrkistandyq klýbtan Nurjan Dandybaev 8, Aıan Qulmaǵanbetov 14-mınýtta mergendik tanytty. Kezdesý 2:2 esebimen teń aıaqtaldy.

Al «Ertis» óz alańynda «Aqtóbe-2» komandasyn 3:0 esebimen jeńse, almatylyq «Han táńiri» sol qalanyń «Qaırat-2» komandasyna 0:4 esebimen jol berdi. 

Sondaı-aq «Taraz» ben «Akademııa Ońtústik» klýbtary 1:1 esebine qanaǵat bildirdi.

Atalǵan týrda 17 shildede Pavlodar oblysynyń «Ekibastuzy» óskemendik «Altaıdan» 1:3, «Túrkistan» almatylyq AKAS klýbynan 0:2 esebimen jeńilip qalsa, qaraǵandylyq «Shahter» astanalyq «SD Family» komandasynan 2:0 esebimen basym tústi.

Endi aldaǵy týr oıyndary 24 jáne 25 shilde kúnderi ótkiziledi.