Fýtboldan Birinshi lıgada «Kaspıı» týrnır kestesindegi jaǵdaıyn jaqsartty

ASTANA. KAZINFORM — Búgin, 28 mamyrda fýtboldan Birinshi lıga komandalary arasyndaǵy Qazaqstan chempıonatynyń 8-týrynyń alǵashqy oıyn kúni ótti.

Týrnır kestesinde kósh basynda kele jatqan aqtaýlyq «Kaspıı» bul joly óz alańynda Almatynyń «Han táńirin» 1:0 esebimen súrindirdi.

Atalǵan jeńisten keıin olar jaǵdaıyn jaqsarta tústi. Týrnır kestesinde 21 upaımen birinshi orynǵa ornalasyp, basty qarsylastarynan uzaı tústi.

Taǵy bir kezdesýde almatylyq AKAS óz alańynda sol qalanyń taǵy bir ókili «Qaırat-2» klýbyn 3:0 esebimen jeńse, shymkenttik «Akademııa Ońtústik» Pavlodar oblysynyń «Ekibastuzyna», «Túrkistan» elordalyq «SD Family» klýbyna 0:1 esebimen jeńilip qaldy.

Endi 29 mamyrda «Altaı» (Óskemen) men «Shahter» (Qaraǵandy), «Jetisaı» (Túrkistan oblysy) men «Aqtóbe-2», «Taraz» ben «Ertis» (Pavlodar) sheberlik baıqasady.

Eske salsaq, budan buryn fýtboldan Qazaqstan ulttyq quramasynyń bas bapkeri Álı Álıev aldaǵy eki oıynǵa qatysatyn oıynshylardyń naqty tizimin jarııalady.