Fýtboldan Birinshi lıgada «Kaspıı» syrt alańda iri eseppen jeńdi

ASTANA. KAZINFORM - Búgin fýtboldan Birinshi lıgada XV týrynyń alǵashqy oıyn kúni ótti. 

Bul týrda aqtaýlyq «Kaspıı» syrt alańda Shymkenttiń «Akademııa Ońtústik» komandasyn 6:1 esebimen tize búktirdi.

Kezdesý barysynda aqtaýlyq klýbtan Mıras Turlybek 1, 53, 69, Bekzat Qabylan 68, Edige Oralbaı 81, Jaqyp Qojamberdi 87-mınýtta gol soqsa, oǵan shymkenttik komandadan Maǵjan Toqtybaı 51-mınýtta bir golmen jaýap qaıyrdy.

Sondaı-aq taǵy bir kezdesýde pavlodarlyq «Ertis» syrt alańda Almatynyń «Qaırat-2» komandasyn 3:0 esebimen jeńse, «Aqtóbe-2» óz alańynla Pavlodar oblysynyń «Ekibastuzyna» 2:5 esebimen ese jiberdi.

Al 25 shildede «Altaı» (Óskemen) men «Taraz», «Jetisaı» (Túrkistan oblysy) men «Túrkistan», «Shahter» (Qaraǵandy) men «Han táńiri» (Almaty), AKAS (Almaty) pen «SD Family» (Astana) oınaıdy.Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Kaspıı», «Ertis», «Shahter» komandalary úzdikter qatarynda bolady dep boljanyp otyr.