Fýtboldan birinshi lıgada «Kaspıı» segiz oıyn qatarynan jeńilgen joq

ASTANA. KAZINFORM – Fýtboldan Birinshi lıganyń HHІV týry máresine jetti.

Bul týrda kókshetaýlyq «Oqjetpes» kezekti jeńisine qol jetkizdi. Atalǵan komanda óz alańynda Pavlodar oblysynyń «Ekibastuzyn» 2:1 esebimen súrindirdi. Nátıjesinde týrnır kestesindegi birinshi ornyn saqtap qaldy.

Premer-lıgaǵa shaǵýdy aldyna maqsat etken Jezqazǵan qalasynyń «Ulytaýy» syrt alańda Túrkistan oblysynyń «Jetisaıynan» 2:0 esebimen basym tústi.

Aqtaýlyq «Kaspıı» segiz oıynnan beri jeńilistiń aşy dámin tatqan joq. Olar bul joly syrt alańda «Tarazdy» 2:1 esebimen qapy qaldyrdy. Sol arqyly úzdik úshtikte kele jatqan komandalarǵa jaqyndaı tústi.

Atalǵan týrda almatylyq «Han táńiri» oraldyq «Aqjaıyqty» 1:0, elordalyq «SD Family» «Aqtóbe-2» komandasyn 4:0, qyzylordalyq «Kaısar-2» óskemendik «Altaıdy» 2:0 esebimen jeńse, «Túrkistan» almatylyq «Kaırat-2» klýbyna 1:4 esebimen ese jiberdi.

Endi aldaǵy týr oıyndary 19 qyrkúıekte ótkiziledi.

Eske salsaq, budan buryn fýtzaldan álem chempıonaty qazaqstandyq qaı telearnadan kórsetiletini anyqtaldy.