Fýtboldan birinshi lıgada «Kaspıı» «Oqjetpesten» jeńilip qaldy
ASTANA. KAZINFORM — Fýtboldan Birinshi lıga komandalary arasyndaǵy Qazaqstan birinshiliginiń XI týry máresine jetti.
Atalǵan týrdyń ekinshi oıyn kúninde, 14 maýsymda aqtaýlyq «Kaspıı» syrt alańda Kókshetaýdyń «Oqjetpesimen» sheberlik baıqasty.
Qos komanda bıyl Premer-lıgaǵa shyǵýǵa úmitker ujymdar qatarynan sanalady.
Kezdesý taǵdyryn jalǵyz gol sheshti.
«Oqjetpes» sapynan Dáýren Jumat 58-mınýtta qarsylas klýbtyń qaqpasyn dál kózdep, óz komandasyna úsh upaı syılady.
Osylaısha «Kaspıı» qarsylasynan 0:1 esebimen jeńilip, týrnır kestesinde úshinshi orynǵa túsip qaldy.
Sondaı-aq, Oraldyń «Aqjaıyǵy» óz alańynda «Altaıǵa» 0:2, «Qaısar-2» «Tarazǵa» 1:2 esebimen jol berdi.
Al «Arys» pen «Qyran» kezdesýi ótkizilgen joq.
Qarjy máselesine baılanysty «Qyran» birinshiliktiń aldaǵy oıyndaryna qatyspaıtyn boldy.
Aıta ketsek, 13 maýsymda «Jetisaı» «Qaırat-2» komandasyn 6:2, «SD Family» «Túrkistandy» 5:0, «Han táńiri» «Ekibastuzdy» 2:1 esebimen jeńdi.
Al «Aqtóbe-2» «Ulytaýǵa» 0:3 esebimen ese jibergen edi.
Endi aldaǵy týr oıyndary 20 jáne 21 maýsym kúnderi ótkiziledi.
