Fýtboldan Birinshi lıgada «Kaspıı» kósh basyna shyqty

ASTANA. KAZINFORM — Fýtboldan Birinshi lıga komandalary arasyndaǵy Qazaqstan chempıonatynyń 4-týry máresine jetti. 

Ekinshi oıyn kúni, 2 mamyrda aqtaýlyq «Kaspıı» syrt alańda «Tarazben» kezdesti.

Oıyn barysynda tarazdyq fýtbolshylar alǵashqy bolyp esep ashty. Olardyń qatarynan Álisher Súleı 10-mınýtta mergendik tanytsa, 44-mınýtta «Kaspıı» sapynan Berik Aıtbaev tarazy basyn teńestirdi.

Ekinshi kezeńde aqtaýlyq Nurmuhamed Islam 79-mınýtta qorytyndy esepti belgiledi.

Osylaısha «Kaspıı» qarsylasynan 2:1 esebimen basym túsip, qatarynan tórtinshi márte jeńiske jetti. Týrnır kestesinde 12 upaımen jeke-dara kósh bastady.

Sondaı-aq taǵy bir kezdesýde Shymkenttiń «Akademııa Ońtústik» komandasy óz alańynda «Túrkistandy» 3:0 esebimen jeńse, AKAS (Almaty) pen «Han táńiri» (Almaty) 1:1 esebine qanaǵat bildirdi.

Al 1 mamyrda Túrkistan oblysynyń «Jetisaı» óz alańynda astanalyq «SD Family» klýbyna 1:2 esebimen jol berse, «Altaı» (Óskemen) men «Aqtóbe-2», «Shahter» (Qaraǵandy) men «Ertis» (Pavlodar) 0:0 esebine qanaǵat bildirip tarasty.

Atalǵan týrda almatylyq «Qaırat-2» óz alańynda Pavlodar oblysynyń «Ekibastuzyn» 7:0 esebimen tize búktirdi.