Fýtboldan Birinshi lıgada «Kaspıı» qarsylasynan uzap ketti

ASTANA. KAZINFORM - Búgin fýtboldan Birinshi lıgada HH týrynyń alǵashqy oıyn kúni ótti.

Kósh basynda kele jatqan aqtaýlyq «Kaspıı» bul joly da súringen joq. Syrt alańda almatylyq «Han táńiri» komandasyn 2:1 esebimen, týrnır kestesinde 50 upaımen kósh basynda keledi. Olar ekinshi orynda kele jatqan Pavlodardyń «Ertisinen» bes upaıǵa uzap ketti.

Sondaı-aq búgin ótken oıyndarda astanalyq «SD Family» «Túrkistandy» 7:0, almatylyq «Qaırat-2» sol qalanyń taǵy bir ókili AKAS klýbyn 3:0, Pavlodar oblysynyń «Ekibastuzy» shymkenttik «Akademııa Ońtústikti» 2:1 esebimen jeńse, «Aqtzbe-2» Túrkistan oblysynyń «Jetisaıyna» 1:2 esebimen jol berdi.

Endi 29 tamyzda «Shahter» (Qaraǵandy) men «Altaı» (Óskemen), «Ertis» (Pavlodar) pen «Taraz» oınaıdy.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Shahter», «Ertis», «Kaspıı», «Altaı» úzdikter qatarynan kórinýge talasyp keledi.

Eske salsaq, budan buryn áıelder arasyndaǵy Chempıondar lıgasynda «Aqtóbe» áıelder klýby «Romaǵa» ese jiberdi.