Fýtboldan birinshi lıgada «Kaspıı» alǵash ret jeńildi

ASTANA. KAZINFORM - Aqtaýlyq «Kaspıı» fýtboldan birinshi lıga komandalary arasyndaǵy Qazaqstan birinshiliginde alǵash ret jeńilip qaldy.

6 maýsymda onynshy týrdyń alǵashqy oıyn kúni ótti.

Bul kúni «Kaspıı» óz alańynda Almatynyń «Han táńiri» komandasyn qabyldaǵan edi.

Kezdesý barysynda aqtaýlyq klýb qarsylasyna 3:5 esebimen ese jiberdi. Osylaısha olar onynshy týrda alǵash ret jeńilistiń aşy dámin tatyp otyr.

«Kaspıı» soǵan qaramastan týrnır kestesinde birinshi oryndy saqtap qaldy.

Sondaı-aq atalǵan týrda Jezqazǵannyń «Ulytaýy» óz alańynda Qyzylordanyń «Qaısar-2» komandasyn 4:1 esebimen tize búktirse, «Túrkistan» men «Aqjaıyq» 1:1 esebine qanaǵat bildirdi.

Al Óskemenniń «Altaıy» men Shymkenttiń «Qyran» komandalary arasyndaǵy kezdesý ótken joq. Oıynǵa qarjy máselesine baılanysty shymkenttik ujym kele alǵan joq.

Endi 7 maýsymda «Aqtóbe-2» men «Jetisaı» (Túrkistan oblysy), «Qaırat-2» men «Arys» (Túrkistan oblysy), «Taraz» ben «SD Family» (Astana), «Ekibastuz» (Pavlodar oblysy) ben «Oqjetpes» (Taldyqorǵan) kezdesedi.

Eske salsaq, budan buryn fýtboldan 2024 jylǵy Eýropa chempıonaty kórsetiliminiń oıyn kestesi anyqtaldy.