Fýtboldan birinshi lıgada «Han táńiri» kósh basyna shyqty

ASTANA. KAZINFORM — Fýtboldan Birinshi lıga komandalary arasyndaǵy Qazaqstan birinshiliginiń XIV týrynda almatylyq «Han táńiri» kósh basyna shyqty.

Almatylyq klýb atalǵan týrda óz alańynda Qyzylordanyń «Qaısar-2» komandasyn qabyldady. 

Kezdesý barysynda olardyń qatarynan Pavel Krıventsev 4, 9, 66, Nurdáýlet Aǵzambaev 48-mınýtta gol soqsa, olarǵa qyzylordalyq klýbtan Bekzat Qurmanbekuly 43, Temirlan Myrzaǵalıev 70-mınýtta eki golmen jaýap qaıyrdy.

Osylaısha «Han táńiri» qarsylasynan 4:2 esebimen basym tústi. Nátıjesinde 28 upaımen kósh basyna shyqty.

Sondaı-aq 4 shildede «Ulytaý» «Altaıdy» 2:1 esebimen jeńse, «Túrkistan» «Oqjetpeske» 0:2 esebimen ese jiberdi.

Atalǵan týrda 3 shildede «Kaspıı» «Aqtóbe-2» komandasyna 1:3, «Aqjaıyq» «Qaırat-2» klýbyna 2:3 esebimen jeńildi. 

Endi 5 shildede Túrkistan oblysynyń «Jetisaıy» astanalyq «SD Family», Pavlodar oblysynyń «Ekibastuzy» Túrkistan oblysynyń «Arys» klýbtaryn qabyldaıdy.

Eske salsaq, búgin fýtboldan Amerıka kýbogynyń ¼ fınaldyq kezeńi bastalady.